Túrkistan oblysynan 3 myńǵa jýyq adam jumys kúshi tapshy óńirlerge kóshti
TÚRKІSTAN. KAZINFORM – Ótken jyly jáne 2026 jyldyń 1 tamyzyna deıin Túrkistan oblysynan 3 myńǵa jýyq adam basqa óńirlerge qonys aýdarǵan.
Túrkistan oblysynan 2026 jyldyń basynan beri erikti túrde qonys aýdarý baǵdarlamasy aıasynda 288 otbasy, ıaǵnı 1322 adam kóshti.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, bıyl qonys aýdarýshylardyń basym bóligi Soltústik Qazaqstan jáne Pavlodar oblystaryna barǵan.
– Atap aıtqanda Soltústik Qazaqstan oblysyna – 136 otbasy, 593 adam, Pavlodar oblysyna – 87 otbasy, 459 adam, Qostanaı oblysyna – 29 otbasy, 104 adam, Shyǵys Qazaqstan oblysyna – 19 otbasy, 89 adam qonystandy. Sonymen qatar Abaı oblysyna – 4 otbasy, 17 adam, Ulytaý oblysyna – 11 otbasy, 57 adam jáne Qaraǵandy oblysyna – 2 otbasy, 3 adam kóshti, – delingen vedomstvo aqparatynda.
Basqarmanyń dereginshe, bıyl sáýir aıynda óńirde «Jańa qonys – 2026» jármeńkesi uıymdastyrylǵan. Oǵan soltústik óńirlerden 130 delegat qatysyp, jumys berýshiler 11 856 bos jumys ornyn usynǵan.
Eske salaıyq, 2025 jyly Túrkistan oblysynan jumys kúshi tapshy óńirlerge 398 otbasy, ıaǵnı 1627 adam qonys aýdarǵan.
Buǵan deıin kóshi-qon baǵdarlamasynyń Soltústik Qazaqstan oblysynda qalaı júzege asyp jatqanyn jazǵan edik.
