Túrkistan oblysyna 1,2 trln teńge ınvestıtsııa tartylǵan
ASTANA. KAZINFORM — Túrkistan oblysynyń ınvestıtsııalyq áleýetin eskere otyryp, óńir ekonomıkasyna 2,6 trln teńgege 111 ınvestıtsııalyq joba pýly qalyptastyryldy. Ásirese, óńdeý, energetıka jáne aýyl sharýashylyǵyn tereń qaıta óńdeýge basymdyq berilip otyr.
Bul týraly oblys ákimi Nuralhan Kósherov eseptik kezdesýinde aıtty. Ákimniń sózinshe, jobalardy iske asyrý nátıjesinde 24 myńǵa jýyq jumys oryndary ashylyp, bıýdjetke qosymsha 100 mlrd teńge salyq túsedi dep kútilip otyr.
— Bıyl 340 mlrd teńgege 58 jobany iske asyryp, 8 220 jumys ornyn ashý josparlanǵan. 10 aıda 41 joba iske qosylyp, 5 322 jumys orny ashyldy. Atalǵan baǵytta atqarylǵan jumystardyń nátıjesinde óńir ekonomıkasyna 1,2 trln teńge ınvestıtsııa tartylyp, ósim 124%-dy qurady, — dedi N. Kósherov elordada Ortalyq kommýnıkatsııalar qyzmetinde ótken brıfıngte.
Ózbekstanmen shekaralas óńir bolǵandyqtan, Túrkistan oblysy kórshi eldiń tájirıbesin zerttep, qajetti jobalary men tásilderin engizip jatyr.
Jalpy 10 aıda óńir ekonomıkasyna 1,2 trln teńge ınvestıtsııa tartylyp, ósim 124,2 paıyzdy quraǵan.
Budan buryn Túrkistan oblysynda 114 myń gektar jerge sý únemdeý tehnologııalary engizilgeni habarlandy.
Sonymen qatar eldegi jylyjaılardyń 76% Túrkistan oblysynda ornalasqany aıtyldy.