Túrkistan oblysy turǵynynan 300-ge jýyq túp sora tárkilendi

Túrkistan oblysynyń polıtseıleri turǵynnan 300-ge jýyq túp sora tárkiledi, dep habarlaıdy Polisia.kz.

Saıram aýdandyq polıtsııa basqarmasyna jergilikti turǵyndardyń biri óz úıinde quramynda esirtki zaty bar ósimdikterdi saqtaýmen aınalysatyny týraly aqparat kelip tústi.

Polıtsııa qyzmetkerleri jedel-izdestirý is-sharasyn júrgizdi. Nátıjesinde kúdikti retinde 51 jastaǵy jergilikti turǵyndy anyqtady.

Jedel ýákilder onyń úıine tintý júrgizý barysynda úıiniń aldyna egilgen 281 esirtkige uqsas ósimdikti taýyp, tárkiledi. Tabylǵan zatqa saraptama taǵaıyndalyp, onyń sora ekenin rastady.

Qazirgi tańda er adamǵa qatysty sotqa deıingi tergep-tekserý amaldary júrgizilip jatyr.