Túrkistan oblysy Polıtsııa departamenti bastyǵynyń tergeý jónindegi orynbasary taǵaıyndaldy

TÚRKІSTAN. KAZINFORM- Túrkistan oblysy Polıtsııa departamentinde kadrlyq aýys-túıis boldy.

Qazaqstan Іshki ister mınıstri Erjan Sadenovtiń buıryǵymen Túrkistan oblysy Polıtsııa departamenti bastyǵynyń tergeý jónindegi orynbasary bolyp polıtsııa polkovnıgi Baýyrjan Batyrbekuly Zııataev taǵaıyndaldy.

Túrkistan oblysy Polıtsııa departamentiniń bastyǵy, polıtsııa general-maıory Murat Qabdenov jeke quramǵa jańa orynbasardy tanystyryp, qyzmetine sáttilik tiledi.

Baýyrjan Zııataev Іshki ister organdarynda 1994 jyldan beri qyzmet atqaryp keledi. Q.ıAssaýı atyndaǵy HQTÝ-diń túlegi. Mamandyǵy - zańger. Jedel-tergeý bólimderinde mol tájirıbe jınaqtaǵan. Buǵan deıin Túrkistan oblysy polıtsııa departamentiniń tergeý basqarmasy bastyǵynyń orynbasary, anyqtaý basqarmasynyń bastyǵy, Saıram jáne Tólebı aýdandarynda polıtsııa bóliminiń basshysy qyzmetterin atqarǵan.

Baýyrjan Zııataev QR ІІM-niń medaldarymen, gramotalarymen marapattalǵan.

Aıta keteıik, keshe Shymkent qalasy Polıtsııa departamenti bastyǵynyń orynbasary taǵaıyndalǵan bolatyn.