Túrkistan oblysy: Mektep tapshylyǵyn joıýǵa kásipkerler de atsalysady
Túrkistan oblysyndaǵy mektep tapshylyǵyn joıýǵa kásipkerler de atsalysady, dep habarlaıdy Kazinform.
Demografııalyq ósimi joǵary Túrkistan oblysynda mektep tapshylyǵy máselesi kún tártibinen túsken emes. Qazirgi tańda oblysta 1029 mektep bar. Onyń ishinde 908-i memlekettik bolsa, 121 jekemenshik.
Túrkistan oblysy ákiminiń orynbasary Beısen Tájibaevtyń tóraǵalyǵymen ótken májiliste jekemenshik mektepter salýǵa kásipkerlerdi tartý máselesi talqylandy. Jıynǵa «Atameken» kásipkerler palatasynyń ókilderi, kásipkerler qatysty.
«Jalpy bilim berý mekemeleriniń jetispeýshiligin joıý maqsatynda jekemenshik mektepterge jan basyna shaqqandaǵy qarjylandyrý júıesi de qolǵa alynǵan. ıAǵnı, kásipker mektep salyp, onda bilim alatyn árbir oqýshy úshin memlekettik baǵdarlama aıasynda qaıtarymsyz qarjyǵa ıe bola alady. Kásipkerlerdi osy ıgi iske shaqyramyn. Eń qundy ınvestıtsııa – bilimge salynǵan ınvestıtsııa. Ol túbinde aqtalady. Óńirde mektep tapshylyǵy aýmaqtar zerdelenip jatyr. Sizderge usynylady. Kásipkerlermen birlese jumys atqarýǵa daıynbyz», – dedi Beısen Tájibaev.
QR Oqý-aǵartý mınıstrliginiń «Qarjy ortalyǵy» AQ-nyń basqarma tóraǵasy Asqar Ibraımov jekemenshik mektepterde oqýshylardy jan basyna qarjylandyrý júıesi men memlekettik qoldaý týraly baıandady.
Túkistan oblysy bilim basqarmasynyń bólim basshysy Azamat Tańgatarov mektep sanyna qatysty derekterge toqtaldy. Onyń aıtýynsha, óńirdegi memlekettik 728 mekteptiń ǵımaraty tıptik bolsa, 180 mekteptiń ǵımaraty yńǵaılastyrylǵan. 2023 jyldyń ózinde óńirde 28 jekemenshik mektep ashylyp, paıdalaýǵa berildi. 2023-2025 jyldar aralyǵynda oblysta 96 memlekettik mekteptiń qurylysy júrgiziledi.
Al, 2023-2025 jyldary «Jaıly mektep» jobasy aıasynda oblysta 63 mekteptiń is-shara jospary bekitilgen. Qazir jańa mektep salý úshin tıisti jumystar jasalyp jatyr. 2024 jyly 29 mektep, 2025 jyly 34 mektep paıdalanýǵa beriledi dep kútilýde.
Taǵy bir aıta keter jaıt, Túrkistan oblysyndaǵy apat aldyndaǵy, úsh aýysymdy jáne ǵımaraty yńǵaılastyrylǵan mektepterdiń máselesin sheshý úshin 2024-2026 jyldary 23 mektep salý qajet. Mamandardyń aıtýynsha bul sol kezeńge boljanyp otyrǵan mektep tapshylyǵyn boldyrmaıdy.
Jıynda 100 - 300 oryndyq mektepter salý máselesin jekemenshik ınvestorlar esebinen jáne memlekettik-jekeshilik áriptestik mehanızmi arqyly iske asyrý usynyldy.
Kásipkerler de óz usynystary men pikirlerin aıtty. Jan-jaqty saralap, áriptestik ornatatyndaryn jetkizdi.
