Túrkistan oblysy: bopsalaýmen aınalysqan eki blogerge qatysty qylmystyq is qozǵaldy
TÚRKІSTAN. KAZINFORM – Kúdiktiler jábirlenýshiniń iskerlik bedeline nuqsan keltiretin málimetterdi taratpaýy úshin aqsha alyp turǵan sátinde qolǵa tústi. Bul týraly Túrkistan oblysy polıtsııa departamentiniń baspasóz qyzmeti málimdedi.
Jedel-izdestirý is-sharalarynyń nátıjesinde Túrkistan oblysy polıtsııa departamentiniń uıymdasqan qylmysqa qarsy kúres basqarmasy men Saıram aýdandyq polıtsııa basqarmasynyń qyzmetkerleri bopsalaýdyń birneshe faktilerine qatysy bar eki blogerdi anyqtady.
Kúdiktiler uzaq ýaqyt boıy Saıram aýdanynyń aýmaǵyndaǵy túrli uıymdardyń basshylaryna qoqan-loqqy jasap, aqsha bopsalaýmen aınalysyp kelgen.
«Qazirgi ýaqytta kúdiktiler qamaýǵa alynyp, qylmystyq is qozǵaldy. Zattaı dáleldemeler tárkilendi. Kúdiktilerdiń biri buryn sottalǵan» - delingen Túrkistan oblysy polıtsııa departamentiniń baspasóz qyzmeti usynǵan aqparatta.
Aıta keteıik, buǵan deıin Túrkistan oblysynda mektep dırektoryn bopsalaǵan 2 bloger ustalǵanyn jazǵan bolatynbyz.
