Túrkistan oblysy bilim basqarmasynyń basshysy óz ótinishimen jumystan bosatyldy
Túrkistan oblysy bilim basqarmasynyń basshysy óz ótinishi negizinde jumystan bosatyldy. Bul týraly Túrkistan oblysy bilim basqarmasynyń baspasóz qyzmeti málimdedi, dep habarlaıdy QazAqparat tilshisi.
Dinıslam Bolathanuly Túrkistan oblysynyń adamı áleýetti damytý basqarmasynyń basshy bolyp 2022 jyldyń sáýir aıynda taǵaıyndalǵan bolatyn. Pavlodar oblysynyń bilim berý basqarmasynyń basshysy qyzmetin aýysyp kelgen jańa kadr Túrkistanda 1,5 jylǵa jýyq eńbek etti.
Al, búgin Dinıslam Bolathanuly facebook áleýmettik jelisinde Túrkistandaǵy qyzmetti aıaqtalǵany jóninde jazba qaldyrdy.
«Qadirli aǵaıyn, áriptester! Osymen Túrkistandaǵy qyzmetti aıaqtadyq. Barlyq alǵan tájirıbe, úırengen jańa qasıetter úshin alǵysym sheksiz!» - dep jazdy ol.
Aıta keteıik, budan aldyn Túrkistandyq ustazdar jańa oqý jylyn jalaqysyz qarsy alǵanyn jazǵan bolatynbyz.
