Túrkistan oblysy BQO men Aqtóbege 346 tonna gýmanıtarlyq kómek jibergen
ASTANA. KAZINFORM – Túrkistan oblysynan Aqtóbe jáne Batys Qazaqstan oblystaryna 346 tonna gýmanıtarlyq kómek jiberildi. Bul týraly Túrkistan oblysy qoǵamdyq damý basqarmasynyń «Jastar resýrstyq ortalyǵy» KMM basshysy Ernar Bektaev aıtyp berdi.
Sý tasqyny bastalǵaly Túrkistan oblysynda 18 shtab quryldy. Qazirgi ýaqytta zardap shekken aımaqtarǵa 12 fýra júk jóneltilgen.
«Aqtóbe jáne Batys Qazaqstan oblystaryna jalpy kólemi 346 tonna gýmanıtarlyq kómek jiberildi, onyń ishinde gıgıenalyq zattar, azyq-túlik, balalardyń kıimderi men oıynshyqtar bar. Al búgin sý basqan aımaqtarǵa 150 tonnadan astam gýmanıtarlyq kómek jóneltiledi. Sondaı-aq 50 volonter kómektesý úshin sý basqan aımaqtarǵa attanady», - dedi Ernar Bektaev Ortalyq kommýnıkatsııalar qyzmetinde.
Spıkerdiń aıtýynsha, oblystaǵy túrik etno-mádenı ortalyǵy men ózbek etno-mádenı ortalyǵy da gýmanıtarlyq kómek jiberýge atsalysqan.
