Túrkistan oblysy ákiminiń orynbasary taǵaıyndaldy
TÚRKІSTAN. KAZINFORM - Endi bul qyzmetti Talǵat Japarhanuly Qozbekov atqarady.
Qazaqstan Respýblıkasy Prezıdenti Ákimshiliginiń kelisimimen oblys ákiminiń orynbasary laýazymyna Talǵat Japarhanuly Qozbekov taǵaıyndaldy. Túrkistan oblysynyń ákimi Nuralhan Kósherov oblys aktıvine jańa orynbasaryn tanystyryp, óńirdi damytý baǵytynda mańyzdy mindetter júktelip otyrǵanyn aıtty. Aldaǵy jumysyna sáttilik tiledi.
Talǵat Qozbekov 1976 jyly Taldyqorǵan oblysy Panfılov aýdany Kóktal aýylynda dúnıege kelgen. Abaı atyndaǵy Almaty memlekettik ýnıversıtetin «Ekonomıst- marketolog» jáne Al-Farabı atyndaǵy Qazaq Ulttyq Ýnıversıtetin «Zańger» mamandyqtary boıynsha bitirgen.
Eńbek jolyn 1999 jyly Panfılov aýdany boıynsha salyq komıtetiniń Salyq aýdıti bóliminde salyq ınspektory laýazymynan bastady. Ár jyldary bólim basshysy, basqarma basshysynyń orynbasary, Panfılov aýdany boıynsha memlekettik kirister basqarmasynyń basshysy laýazymdaryn atqardy.
2020 jyldan bastap Atyraý oblysy boıynsha Memlekettik kirister departamenti basshysynyń orynbasary laýazymynda jáne Almaty oblysy boıynsha Memlekettik kirister departamentiniń basshysy bolyp qyzmet etti.
2022 jyldyń qyrkúıek aıynan beri Jetisý oblysy boıynsha Memlekettik kirister departamentiniń basshysy qyzmetin atqaryp keldi.
Talǵat Qozbekov oblys ákiminiń orynbasary retinde kásipkerlik jáne saýda, qurylys, memlekettik satyp alý, qarjy jáne memlekettik aktıvter, ekonomıka jáne bıýdjettik josparlaý basqarmalarynyń jumystaryna jetekshilik etedi.
Aıta keteıik, budan buryn Erbol Sadyr Abaı oblysy ákiminiń birinshi orynbasary bolyp taǵaıyndalǵanyn jazǵan bolatynbyz.