Túrkistan oblysy ákimi apparaty basshysynyń orynbasary aýysty

ASTANA. KAZINFORM — Merıtokratııa qaǵıdasyna sáıkes, Túrkistan oblysy ákimi apparaty basshysynyń orynbasary bolyp Bekturǵanov Ádil Erjanuly taǵaıyndaldy, dep habarlaıdy oblys ákimdigi.

Jańa orynbasardy Túrkistan oblysy ákimi apparatynyń basshysy Erkebulan Daýylbaev ujymǵa tanystyryp, jumysyna sáttilik tiledi.

— Oblys ákiminiń Óńirlik kadrlyq rezerviniń ókili, Zań bóliminiń basshysy qyzmetin atqarǵan Ádil Erjanuly jańa qyzmetke taǵaıyndalyp otyr. Bul taǵaıyndaý — oblys ákimi Darhan Amangeldiulynyń isker jastarǵa degen qoldaýy men senimi jáne merıtokratııa qaǵıdasyn oryndaý. Jańa orynbasarǵa jetekshilik etetin salalar boıynsha túıindi máselelerdi anyqtap, bólimdermen birlese sheshý joldary jóninde usynys engizýdi tapsyramyn, — dedi Erkebulan Daýylbaev.

Ádil Bekturǵanov 1991 jyly OQO-da dúnıege kelgen. Bilimi — joǵary, mamandyqtary — quqyq qorǵaý qyzmeti, ekonomıka.

2014-2018 jyldary aralyǵynda Shymkent qalasy ákimi apparatynyń, OQO ákimi apparatynyń bas mamany, bas ınspektory bolyp jumys atqarǵan.

2019 jyldan beri Túrkistan oblysy ákimi apparaty Zań bóliminiń basshysy bolyp qyzmet atqaryp keldi.

Eske salsaq, budan buryn Almaty oblysynyń Sý resýrstary jáne ırrıgatsııa basqarmasyna jańa basshy taǵaıyndalǵanyn jazǵan edik.