Túrkistan nege kedeı óńirler reıtınginde kósh bastap tur – ákim jaýap berdi
TÚRKІSTAN. KAZINFORM – Túrkistan oblysynyń ákimi Darhan Satybaldy aımaqtyń «eń kedeı óńir» reıtinginde aldyńǵy qatarda turý sebebin túsindirdi.
«Túrkistan oblysy kóp jyldan beri «eń kedeı óńir» reıtinginde kósh bastap tur. Nege dep oılaısyz?», - dep suraq qoıdy Kazinform tilshisi Ortalyq kommýnıkatsııalar qyzmetinde.
Óz jaýabynda ákim aımaqty kedeı dep aıta almaıtynyn, onyń baılyǵy – turǵyndary ekenin atap ótti.
«Qazaqstanda 20 óńir bolsa, sonyń ishinde tek 3 aımaq donor bolyp sanalady – bul Astana, Almaty jáne Atyraý oblysy. Qalǵan aımaqtardyń barlyǵy dotatsııada otyr. Al eger qaı óńir respýblıkaǵa salyq sekildi túsimdi kóp tóleıdi desek, qaıtadan Astana, Almaty, Atyraý oblysy jáne taǵy bir aımaqtan keıin besinshi orynda Túrkistan oblysy tur. 10 aıdyń qorytyndysy boıynsha respýblıkalyq jáne jergilikti bıýdjetke 650 mıllıard teńge salyq tólendi. ıAǵnı, tabys boıynsha biz 20 aımaqtyń ishinde besinshi oryndamyz», - dedi D. Satybaldy Ortalyq kommýnıkatsııalar qyzmetinde.
Ákimniń aıtýynsha, sol tabysty jan basyna shaqqanda mólsheri azaıyp qalady, sebebi óńirde halyq sany kóp.
«Keıbir aımaqtarmen salystyrǵanda bizdiń turǵyndar sany 2-3 ese, al keıde 7-8 ese kóppiz. Sondyqtan jan basyna shaqqandaǵy qarjylandyrý tómen bolyp shyǵady. Ekinshiden, respýblıka boıynsha shamamen 800 myń kópbalaly otbasy bolsa, sonyń 190 myńy nemese 1/4 bóligi Túrkistan oblysynda turady. Biraq bul máseleniń ekinshi jaǵy bar – men ózim Keles aýdanynda týyp-óstim. Meniń anam da, ákem de jumyssyz qalǵanda, úıdegi alty ul toq júrdik. Nege? Sebebi biz sharýashylyq júrgizdik, mal ustadyq – sonyń arqasynda maı, aıran, sút aldyq, tandyr jaýyp, baqsha egip, ózimizdi qamtamasyz etip otyrdyq. Ol resmı tabys bolyp eseptelmeıdi. Qazir de oblys halqynyń 80%-y aýyldarda turady, olarǵa jeke sharýashylyqtary kómektesedi», - deıdi Darhan Satybaldy.
Aıta keteıik, Kentaý qalasy ekologııalyq apat aımaǵy dep tanyldy jáne turǵyndar jalaqysyna 20% ústemeaqy qosylady.
Buǵan deıin Darhan Satybaldy óńirdegi jumyssyzdyq sebepterin de aıtyp bergen edi.