Túrkistan nege araqsyz qala bola almaı otyr – ákimdik jaýaby

ASTANA. KAZINFORM – Túrkistan oblysy ákiminiń orynbasary Beısenbaı Tájibaev Túrkistan qalasy nege óńirdegi «Araqsyz aýyl» jobasyna qatyspaı jatqanyn túsindirdi.

Májilistiń jalpy otyrysynda depýtat Ardaq Nazarov qalaǵa erekshe mártebe berýdi kózdeıtin zań jobasyn talqylaý kezinde Túrkistandy araqsyz qalaǵa aınaldyrýǵa ne kedergi bolyp turǵanyn surady.

- Túrkistan oblysynda arnaıy «Іshimdiksiz aýyl» degen joba jarııalanǵan. Qazir jobaǵa 30-dan astam aýyl qatysyp jatyr. Bul bastamany Túrkistan qalasynyń zııaly qaýymy men aqsaqaldary túrli formatta talqylady. Degenmen, Túrkistan qalasynyń negizgi basym baǵyttarynyń qatarynda rýhanı-mádenı damýmen qatar týrıstik baǵyttaǵy qala retinde bekitilip otyr. Sondyqtan bıznes qaýymdastyq bul máselege óz kózqarastaryn aıtyp jatyr. Atalǵan másele oryndy. Zań jobasy qabyldanyp jatsa, bul máseleni de tıisti zań normalary aıasynda qarastyrý kerek dep esepteımiz, - dedi ákimdik ókili.

Aıta keteıik, atalǵan qujat aıasynda Qoja Ahmet Iassaýı kesenesinen 100 metr radıýsta bıik ǵımarat salýǵa zańmen tyıym salynbaq.