Túrkistan qolónershiler qalasy atandy
TÚRKІSTAN. KAZINFORM — Resmı túrde arnaıy mártebeni rastaıtyn sertıfıkat keldi.
Túrkistan qalasy «World Craft Council» halyqaralyq uıymynyń sheshimimen jáne Dúnıejúzilik qolóner Keńesiniń kelisimimen «Qolónershiler qalasy» mártebesin ıelendi.
Aldaǵy ýaqytta «Erekshe mártebe» statýsy aıasynda qolónershiler shyǵyndarynyń 25 paıyzy sýbsıdııalanatyn bolady. Sondaı-aq, taıaý ýaqytta qolónershiler ortalyǵyn paıdalanýǵa berý josparlanýda.
— Túrkistan qalasynda qolóner salasy ulttyq dástúrlerdi saqtaı otyra, zamanaýı úrdistermen úılesimdi damyp jatyr. Túrkistandyq sheberlerdiń keramıkalyq buıymdary ásemdigimen, naqyshty órnekterimen jáne joǵary sapasymen erekshelenedi, — delingen Túrkistan qalasy ákimdigi taratqan aqparatta.
Aıta keteıik, budan buryn Túrkistan «Halyqaralyq qolónershiler qalasy» mártebesin alýǵa nıetti ekendigin jazǵan bolatynbyz.