Túrkistan - Qyzylorda jolyndaǵy qurylystan aqaýlar anyqtaldy
TÚRKІSTAN. QazAqparat – Túrkistan men Qyzylorda oblystary shekarasyndaǵy respýblıkalyq mańyzy bar kúre jolda kúrdeli jóndeý jumystary júrgizilip jatyr jatyr. Bıyl joldyń 2 shaqyrymyn jańartý josparlanǵan.
Ulttyq sapa ortalyǵynyń óńirlik fılıaly mamandary jolǵa tóseletin qurylys materıaldarynan 6 ret synama alyp, onyń 4-eýi talapqa saı emestigin anyqtady. Osyǵan oraı, merdiger mekemeler men tehnıkalyq qadaǵalaýshylarǵa qajetti nusqaýlar berildi. Nátıjesinde eki aqaý joıyldy.
Qazirgi ýaqytta Túrkistan oblysy aýmaǵynda respýblıkalyq mańyzy bar 20 jol ýchaskesinde ortasha jóndeý, kútip ustaý jáne aǵymdaǵy jóndeý jumystary júrgizilip jatyr.
«Jol aktıvteri sapasynyń ulttyq ortalyǵy» RMK Túrkistan oblysy fılıaly dırektorynyń mindetin atqarýshy Qaırat Shákirovtiń málimdeýinshe, atalǵan nysandarǵa qoldanylǵan qurylys materıaldarynan barlyǵy 271 synama alynǵan. Onyń 52-si talaptarǵa sáıkes kelmegen. Tıisti nusqaýlardan keıin onyń 6 paıyzy qalpyna keltirilgen.
Aıta keteıik, budan buryn Túrkistan oblysynda 47 kóshege ardagerlerdiń esimi beriletindigin jazǵan bolatynbyz.