Túrkistan, Qyzylorda, Tarazdaǵy orys mektepteri qalaı jumys isteıdi

ASTANA. KAZINFORM – Oqý-aǵartý mınıstri Ǵanı Beısembaev Úkimettegi brıfıngte «Túrkistan, Qyzylorda, Taraz qalalarynda ashylatyn orystildi mektepterge suranys bar ma?» degen suraqqa jaýap berdi.

— Bul zerttelip-zerdelengen jumys, atalǵan óńirlerdegi mektepterge balasyn bergisi keletin barlyq azamattardyń usynystardy zerttep kórdik. Úsh óńirde salynatyn mektepterdiń árqaısysynda 1200 oqýshy orny bar. Bul baǵytta áli de jumystar júrgizilip jatyr, jalpy suranys bar, — dep jaýap berdi Oqý-aǵartý mınıstri.

Sonymen birge, mektep qurylysy Reseı qarajatynyń esebinen júrgizilse, oqytý protsesi Qazaqstannyń memlekettik standarty sheńberinde júrgiziledi.

Aıta keteıik, RF Prezıdenti Vladımır Pýtın Qazaqstan Respýblıkasyna kezekti memlekettik saparynda «Kazahstanskaıa pravda» gazetine bergen maqalasynda Qyzylorda, Taraz jáne Túrkistan qalalarynda orystildi mektepter ashylatynyn málimdegen edi.