Túrkistan «KInES» rekordtar kitabyna enýge nıetti

TÚRKІSTAN. KAZINFORM — Óńirde 2,5 tonna naýryz kóje daıyndalady.

Bıylǵy týrıstik maýsym «Túrkistan — Túrki áleminiń týrıstik astanasy» taqyrybynda ótedi. Bul shara óńirdiń týrıstik áleýetin arttyrý, ınfraqurylymdy jaqsartý jáne qonaqtarǵa joǵary deńgeıde qyzmet kórsetý maqsatynda uıymdastyrylyp otyr. 

Іs sharalar barysynda «Jana lep» shyǵarmashylyq ujymy, «Samǵaý» bı ansambli, DJ Shamil jáne ózge de ónerpazdar óner kórsetedi. Sondaı-aq, ot shoýy, sıqyrshylar qoıylymy, baraban shoýy jáne poezııa keshteri ótedi. 2,5 tonna naýryz kóje daıyndalyp, Qazaqstannyń «KInES» rekordy jańartylmaq. Sonymen qatar, Orta Azııa elderiniń týrızm salasyndaǵy bıznes ókilderi men qolónershilerdiń qatysýymen respýblıkalyq týrıstik forýmy uıymdastyrylady.

— Bıyl Túrkistan qalasyna erekshe mártebe berý týraly Zań qabyldandy. Bul qujat — qalanyń halyqaralyq deńgeıdegi týrıstik ortalyqqa aınalýyna úlken múmkindik beredi. Josparǵa sáıkes, óńirge keletin týrıster sanyn arttyryp, Túrkistannyń mádenı jáne rýhanı murasyn keńinen nasıhattaıtyn bolamyz, — dedi Túrkistan oblystyq týrızm basqarmasynyń basshysy Nurdáýlet Medeýov. 

Aıta keteıik, budan buryn Túrkistan oblysynda jasy 100-den asqan qansha ana bar ekenin jazǵan bolatynbyz.