Túrkistan: Keleste 85 jastaǵy zeınetker «Taza Qazaqstan» aktsııasyna úles qosty
TÚRKІSTAN. KAZINFORM – Keles aýdanyndaǵy L. Joldasov atyndaǵy jalpy bilim beretin mektepte 30 jyldan asa eńbek etip, zeınetke shyqqan ustaz Tursyn Turǵynbaeva «Taza Qazaqstan» aktsııasyna úles qosty.
Ustaz zeınetke shyqsa da mekteptiń qoǵamdyq isterine belsene qatysady. Osy ónegeli isimen ulaǵatty ustaz mekteptiń jas mamandaryna úlgi bolyp júr.
– Aýyl turǵyndary aınalamyzdy tazartý, kórkeıtý jáne kógaldandyrýmen aınalysyp jatyr. Bul jumystarǵa barlyq mekeme qyzmetkeri bir kisideı atsalysýy kerek. Tazalyq – adamnyń rýhanı, mádenı jetilý deńgeıiniń, kisiligi men tárbıesiniń kózge kórinetin mańyzdy kórsetkishi. Sondyqtan jas shákirtterdi tabıǵatty qorǵaýǵa, aıalaýǵa úıretý kerek, - deıdi ustaz.
