Túrkistan qazynashylyq departamentinde qarjy jymqyrý faktisi anyqtaldy
ASTANA. KAZINFORM - Túrkistan oblysynyń prokýratýrasy qazynashylyq departamentiniń qyzmetinde júıeli zań buzýshylyqtardy anyqtady.
Tekserý nátıjesinde jumysshylardyń eńbek quqyqtaryn buzý, jeke qarjylandyrý josparyn negizsiz qoldaý, únemdelgen qarajatty basqa bıýdjettik baǵdarlamalarǵa aýdarý sekildi faktiler anyqtaldy.
Departamenttiń laýazymdy tulǵalary «Syrdarııa-Túrkistan memlekettik óńirlik tabıǵı parki» KMM esepshilerimen sózbaılasý arqyly mekeme qyzmetkerleriniń sanyn negizsiz ulǵaıtyp, 8 mln-ǵa jýyq teńgeni ıemdengen.
5 shildede oblys prokýratýrasy jınaqtalǵan qujattardy senip tapsyrylǵan bóten múlikti ıemdenip alý faktisimen SDTBT tirkep, tergeý júrgizýdi Túrkistan oblysy boıynsha Ekonomıkalyq tergep-tekserý departamentine tapsyrdy.
Sondaı-aq joǵaryda atalǵan zań buzýshylyqtardy joıý maqsatynda Qazaqstan Respýblıkasy Qarjy mınıstrligine usynys engizdi.
