Túrkistan qalasyndaǵy munaı bazasynan órt shyqty

TÚRKІSTAN. KAZINFORM —  Túrkistan qalasyndaǵy Bekzat móltek aýdany, Oraz Jandosov kóshesinde ornalasqan munaı bazasynan órt shyǵyp, tez tarala bastady.

— Órt sóndirýshiler jedel jumys istep, órt oqshaýlanyp, tolyǵymen sóndirildi. Órttiń sebebi anyqtalyp jatyr, — delingen oblystyq Tótenshe jaǵdaılar departamenti taratqan aqparatta.

Eske sala ketsek, 18 qarasha kúni Jetisaı aýdanynyń Alǵabas aýylynda eki qabatty jeke turǵyn úı órtenip, 12 adam mert boldy. 

Prezıdent Qasym-Jomart Toqaev Túrkistan oblysy Jetisaı aýdanyndaǵy jeke úıde bolǵan órttiń saldarynan kóptegen adamnyń qaza tabýyna baılanysty kóńil aıtty. 

Úkimet pen Túrkistan oblysynyń ákimine zardap shekken azamattardyń týǵan-týystaryna barlyq qajetti kómek kórsetip, qaıǵyly oqıǵany jan-jaqty tekserýdi tapsyrdy.

Prezıdenttiń tapsyrmasy boıynsha Túrkistan oblysyndaǵy órtke baılanysty Úkimettik komıssııa qurylǵany anyqtaldy. 

Oblys ákimdigi tarapynan zardap shekkender men qaza tapqandardyń otbasylaryna barlyq qajetti medıtsınalyq, psıhologııalyq jáne áleýmettik kómek kórsetilip jatyr. Sonymen birge marqumdardy jerleý rásimin uıymdastyrýǵa tolyqtaı qoldaý jasaldy.

Órtten keıin medıtsınalyq mekemege jetkizilgen úsh adamnyń bireýi esin jıdy. 

Vıtse-premer Qanat Bozymbaev órttiń sebebin tergep-tekserý boıynsha qurylǵan Úkimettik komıssııa múshelerine birqatar tapsyrma berdi. 

Túrkistan oblysynda 12 adamnyń ómirin qıǵan órttiń aldyn ala sebebi aıtyldy. 

Jetisaıdaǵy órtten zardap shekken naýqas Shymkentke jetkizildi.

Jetisaıdaǵy órtten aman qalǵan áıel adam Shymkentke jetkizildi. 

Túrkistan oblysyndaǵy órtten zardap shekken 7 jasar jetkinshek Shymkentke jetkizildi.