Túrkistan Islam áleminiń mádenı astanasy atanady
ASTANA. KAZINFORM — Túrkistan shahary kelesi jyly Islam áleminiń mádenı astanasy atanady. Bul týraly Memleket basshysy Qasym-Jomart Toqaev áleýmettik jelide jazdy.
— ISESKO uıymynyń sheshimimen kıeli Túrkistan shahary kelesi jyly Islam áleminiń mádenı astanasy atanady, — dep jazdy Prezıdent.
Aıta ketelik Toqaev Túrki memleketteri uıymynyń 13-sammıtinde túrki órkenıetiniń murasyn saqtaý jónindegi konventsııany tezdetip qabyldaǵan jón ekenin aıtqan edi.
— Qazaqstan túrki halyqtarynyń tarıhı murasyn zerdeleý, saqtaý jáne dáripteý isine aıryqsha kóńil bóledi. Men bıyl Túrkistanda ótken basqosýda Túrki órkenıeti ortalyǵyn jáne dala órkenıetin dáripteýge arnalǵan «Máńgilik el» ortalyǵyn qurýdy usyndym. Qazir tıisti jumystar júrgizilip jatyr. Osy oraıda, Túrki órkenıetiniń murasyn saqtaý jónindegi konventsııany tezdetip qabyldaǵan jón dep sanaımyz. Sonymen qatar elimizde «Qazaqstan tarıhy: ejelgi dáýirden búginge deıin» atty jeti tomdyq aýqymdy eńbek ázirlenip jatyr. Osy jumysqa belsene qatysqan túrki elderiniń ǵalymdaryna shynaıy alǵys bildiremiz. Akademııalyq eńbek tarıhı oqıǵalarǵa ǵylymı turǵydan keń aýqymda, shynaıy jáne ádil kózqaraspen qaraýǵa kómektesedi, — dedi ol.
