Túrkistan halyqaralyq áýejaıyna jańa dırektor taǵaıyndaldy
TÚRKІSTAN. KAZINFORM-Túrkistan Halyqaralyq áýejaıynyń basshylyq quramynda kadrlyq ózgeris oryn aldy.
Túrkistan Halyqaralyq áýejaıyn Sáken Erjanuly Mamyrbekov basqaratyn boldy.
Jańa dırektor buǵan deıin «Shymkent áýejaıy» aktsıonerlik qoǵamynda ekonomıka jáne qarjy jónindegi basqarma tóraǵasynyń orynbasary qyzmetin atqarǵan. Sondaı-aq, ol áýe kóligi ınfraqurylymyn damytý, strategııalyq josparlaý jáne qarjylyq turaqtylyqty qamtamasyz etý baǵyttarynda mol tájirıbe jınaqtaǵan.
Búginde Sáken Mamyrbekov jańa laýazymyna resmı túrde kiristi. Aldaǵy ýaqytta ol Túrkistan áýejaıynyń jumys tıimdiligin arttyrý, jolaýshylarǵa kórsetiletin qyzmet sapasyn jaqsartý jáne zamanaýı talaptarǵa saı ınfraqurylymdy damytý sekildi basym baǵyttarǵa basa mán bermek.
Aıta keteıik, budan buryn «Qazposhta» Qyzylorda oblystyq fılıalynyń dırektory taǵaıyndalǵanyn jazǵan bolatynbyz.