Túrkistan áýejaıynda ushaqtan aqaý shyqty
TÚRKІSTAN. KAZINFORM — Túrkistan halyqaralyq áýejaıynyń ushý-qoný jolaǵynda áýe kemeleriniń birinde tehnıkalyq aqaý anyqtaldy.
Oqıǵa týraly aqparat áleýmettik jelilerde tarady. Osyǵan baılanysty áýe kemesinde bolǵan jaǵdaıǵa qatysty túrli boljam aıtyldy.
QR ІІM Kóliktegi polıtsııa departamentiniń resmı ókili Lázzat Qasymjanova áýe kemesinde tehnıkalyq aqaý bolǵanyn rastady.
— 11 qyrkúıekte Túrkistan áýejaıynyń ushý jolaǵynda áýe kemeleriniń birinde tehnıkalyq aqaý paıda boldy. Qazirgi ýaqytta aqaýdy joıý boıynsha qajetti jumystar júrgizilip jatyr. Zardap shekkender joq, — dedi ol.
Áýe kemesiniń qandaı sebeppen isten shyqqany, onyń túri men oqıǵanyń mán-jaıy ázirge naqtylanǵan joq.
Buǵan deıin Almatyda FlyArystan ushaǵynan órt shyǵyp, bir adam zardap shekkenin jazǵan edik.
