Túrkistan 2027 jylǵy Islam áleminiń mádenı astanasy mártebesine usynyldy
ASTANA. KAZINFORM – Túrkistan qalasy 2027 jylǵy Islam áleminiń mádenı astanasy mártebesine usynyldy.
Bul bastama Qazan qalasynda ótip jatqan ISESKO Bas konferentsııasynyń 15-sessııasynda kóterildi.
2026 jylǵy 13-14 mamyr kúnderi uıymdastyrylǵan jıynda qatysýshylar uıymnyń 2020-2025 jyldardaǵy qyzmetin qorytyndylap, 2026-2029 jyldarǵa arnalǵan strategııalyq josparyn qarastyrdy.
Konferentsııa barysynda QR Mádenıet jáne aqparat vıtse-mınıstri Rýstam Álı Qazaqstannyń ıslam álemi mádenı murasyn damytý baǵytyndaǵy jetistikterine toqtaldy.
– Sońǵy jyldary ISESKO-nyń Islam álemi muralary tizimine Qazaqstannan «Toǵyzqumalaq» dástúrli oıyny, «Oıý-órnek» sándik-qoldanbaly óneri jáne «Qarmaqshy jyraýlary» aýyzsha poezııa mektebi engizildi, – dedi Rýstam Álı.
Sonymen qatar qazaqstandyq tarap 2026 jyly Almaty qalasynda Ál-Farabı murasyna arnalǵan II halyqaralyq konferentsııa ótetinin jarııalady.
Atalǵan is-shara ISESKO uıymymen birlesip uıymdastyrylady.
Aıta keteıik, ISESKO Bas konferentsııasy tórt jylda bir ret ótkiziledi. Bıylǵy forýmǵa uıymǵa múshe 53 memlekettiń ókilderi qatysyp jatyr.
Buǵan deıin Mańǵystaýda eki myń jyldyq kóne qala ornynda arheologııalyq zertteý júrip jatqany habarlandy.
