TÚRKSOI Shyńǵys Aıtmatov jylyn resmı túrde ashty
Halyqaralyq uıymnyń bas hatshysy Dúısen Qaseıinov saltanatty jıynda sóılegen sózinde túrki álemi eń aldymen rýhanı uǵym ekendigine toqtalyp, oǵan dálel qyrǵyz jazýshysy Shyńǵys Aıtmatovtyń shyǵarmalary ekendigin aıtyp ótti.
«Shyńǵys Aıtmatovtyń shyǵarmalary shyn máninde álemniń barlyq halyqtarynyń qyzyǵýshylyǵyn týdyratyn rýhanı qazyna bolyp tabylady. «Eger uly Shyńǵys han álemdi semsermen jaýlap alsa, uly Shyńǵys Aıtmatov búkil álemdi óz qalamymen jaýlap aldy» degen sóz tegin aıtylmasa kerek. Aıtmatov týraly áńgime óte uzaq bolýy múmkin. Onyń ómiri kópshilikke úlgi bolyp tabylady», - dedi Dúısen Qaseıinov.
Túkııa prezıdentiniń bas keńesshisi ıAlchyn Topchý óz sózinde, Shyńǵys Aıtmatov túrki-ıslam áleminiń sonymen birge dúnıejúzilik ádebıettiń shoqtyǵy bıik tulǵasy ekendigin aıtty.
«Aıtmatov - shyǵarmalary álemniń 157 tiline aýdarylǵan bizdiń jalǵyz jazýshymyz, onyń týyndylarynyń barlyǵyna fılm túsirilgen. «Jámılá» povesi eń úzdik mahabbat týraly shyǵarmalardyń biri», - dedi ol.
Shyńǵys Aıtmatovtyń uly, Qyrǵyzstannyń burynǵy Syrtqy ister mınıstri Asqar Aıtmatov TÚRKІSOI-ǵa alǵysyn bildire kele, bul uıym túrki áleminiń ortaq mádenıetin damytý boıynsha qyrýar sharýalar atqaryp jatqandyǵyn jetkizdi.
«Shınası sahnesı» teatrynda ótken saltanatty jıynǵa TÚRKSOI uıymynyń bas hatshysy Dúısen Qaseınov, Túrkııa prezıdentiniń bas keńesshisi ıAlchyn Topchý, Qyrǵyzstannyń Mádenıet jáne aqparat mınıstri Sultanbek Jumaǵulov, Túrkııadaǵy Qyrǵyzstannyń elshisi Ibragım Júnisov, Shyńǵys Aıtmatovtyń uly, Qyrǵyzstannyń burynǵy Syrtqy ister mınıstri Asqar Aıtmatov, «Anadoly mektebi» uıymynyń prezıdenti professor Samı Gıýchlý, Túrkııa Mádenıet jáne týrızm mınıstriniń orynbasary Nıhat Gıýl, túrli mekemeler men uıymdardyń ókilderi, shaqyrylǵan qonaqtar, kóptegen kórermender men stýdent jastar qatysty.
