TÚRKSOI halyqaralyq uıymy Opera jáne balet teatrlary dırektorlarynyń keńesin qurdy
/strong>Naýryzdyń 3-i. QazAqparat /Názıra Eleýhan/- Bıylǵy jyldyń basynda, qańtar aıynyń 15-i kúni Túrik eliniń Ankara qalasynda TÚRKSOI halyqaralyq uıymy uıymdastyrýymen alys-jaqyn túrki elderiniń opera jáne balet teatrlary dırektorlarynyń bas qosýy ótti.
Alqaly jıyn barysynda TÚRKSOI halyqaralyq uıymy Opera jáne balet teatrlary dırektorlarynyń keńesin qurdy. Bul týraly búgin Almatyda arnaıy ótken baspasóz máslıhatynda TÚRKSOI halyqaralyq uıymynyń ókili Asqar Turǵanbaev málim etti, dep habarlaıdy QazAqparat.
«Keńes músheligine túrki tildes 14 eldiń opera jáne balet teatrynyń basshylary kirdi. Osy el mınıstrlerinen turatyn Turaqty Keńes jylyna eki ret bas qosyp, TÚRKSOI jumysynyń negizgi baǵytyn belgilep otyrady. Ol túrki tildes elderdiń basyn biriktire otyryp, mádenıet, opera jáne balet salasyndaǵy ortaq máselelerdi sheshýge múmkindik beredi. Endigi bizdiń maqsatymyz qoıylymdardy Eýropalyq deńgeıge shyǵarý, ulttyq naqyshtaǵy operalarymyzdy nasıhattaý», dedi Asqar Turǵanbaev.
Ol sonymen qatar, jıyn barysynda «gýmanıtarlyq salada túrki tildes respýblıkalary arasynda osy kúnge deıin TÚRKSOI-dan basqa halyqaralyq uıym qurylǵan joq», dep atap ótti.
Bunymen qatar, ol "2010 jyl Ystambul Eýropa mádenıetiniń ortalyǵy dep jarııalanýyna baılanysty, ótken jyldyń úlken jobasynda iske asqan "Keroǵly" operasy sol qurammen Ysambulda qaıtadan qoıylatyn bolady", dedi.
