«Túrksoı» halyq aspaptar orkestri Qazaqstandaǵy alǵashqy kontsertin Taldyqorǵanda ótkizdi
TALDYQORǴAN. QazAqparat - Táýelsizdiktiń 25 jyldyǵyna oraı «TÚRKSOI» uıymynyń qoldaýymen Taldyqorǵanda halyq aspaptar orkestriniń kontserti ótti, dep habarlaıdy QazAqparat tilshisi.
«Túrksoı» halyqaralyq uıymynyń negizinde qurylǵan halyq aspaptar orkestri Qazaqstandaǵy alǵashqy kontsertin berdi. Bul túrkitildes elderdiń alýan aspabyn úndestirip, mádenıetin toǵystyryp otyrǵan álemde teńdesi joq óner ujymy. Jetisý tórindegi gala-kontsertin «Túrksoı» orkestri Qazaqstan, Ózbekstan, Túrkimenstan, Ázerbaıjan jáne Qyrǵyz elderi Táýelsizdiginiń 25 jyldyǵyna arnap otyr. Qazaqtyń dombyrasy, qyrǵyzdyń qomyzy, túrikterdiń dabyly men dýtary, sahalyqtardyń shańqobyzy, gagaýzdyń syrnaıy qulaq quryshyn qandyryp, kórermen kóńilinde erekshe áser qaldyrdy.
«Bul ansambldiń bir ereksheligi halyqaralyq mýzykanttardan quralady. 28-30 mýzykanttan turatyn orkestrimizde Qazaqstan, Ázerbaıjan, Túrkııa, Túrkimenstan, Ózbekstannyń vırtýozdary, ıAkýtııa, Bashqurtstan, Tatarstan, Tyva sııaqty, Mońǵolııanyń ártúrli halyq aspaptarynyń bir orkestrde uıymdastyrylyp, ansambl retinde, birtutas túrik mádenıetimizdiń dástúrli mýzykasyn álemge tanytyp júrmiz»- deıdi «Túrksoı» halyq aspaptar orkestriniń rejısseri Arman
Nurmuhamatuly.
