TÚRKSOI-ǵa múshe 19 eldiń jazýshy-redaktorlary latyn qarpine ótýdi qoldady
«Bolashaqqa baǵdar: rýhanı jańǵyrý» atty maqalasynyń aıasynda 2017 jylǵy 12-13 qyrkúıek kúnderi Túrkistan qalasynda Túrki álemi ádebı jýrnaldary redaktorlarynyń VІІІ kongresi ótti.
Ońtústik Qazaqstan oblysy ákimdiginiń uıymdastyrýymen TÚRKSOI halyqaralyq uıymy, Eýrazııa jazýshylar odaǵynyń qoldaýymen ótetin kongreske 19 elden 30-ge jýyq redaktorlar men jazýshylar, kórnekti mádenıet qaıratkerleri qatysty.
Túrkııa, Iran, Irak, Qyrym (Ýkraına), Ázerbaıjan, Ózbekstan, Qyrǵyzstan, Altaı (RF), Daǵystan (RF), Tatarstan (RF), Bashqurtstan (RF), Kabardın-Balqar (RF), Saha-ıAkýtııa (RF), Kosovo, Makedonııa, Soltústik Kıprdan jáne Qazaqstannyń birneshe qalasynan kelgen belgili ádebıetshiler baıandama jasady.
Kongress barysynda Qazaqstannyń latyn qarpine ótý máselesi qyzý talqylandy.
Jıyn barysynda, TÚRKSOI Bas hatshysynyń orynbasary Fyrat Pýrtash: «Latyn álipbıine kóshý - Sizderdiń tilderińiz úshin jasalǵan ıgi qadam. Túrki Elderiniń aqsaqaly N.Nazarbaevtyń bul bastamasy tarıhta altyn áriptermen oryn alary sózsiz», - degen pikir bildirdi.
Sondaı-aq, Eýrazııa jazýshylar odaǵynyń tóraǵasy ıAkýp Ómeroǵlý: «Qazaq eliniń Latyn qarpine kóshýi bastamasyn quptarlyq bastama. Bul degenimiz Túrki elderiniń baýyrlastyǵy tek tilinde ǵana emes jazýynda da jaqyndaı túsedi degen sóz», - degen ystyq lebizin jetkizdi.
«Túrkistan - túrki mádenıetiniń astanasy» mádenı jobasynyń aıasynda ótkiziletin kongress jumysyna Ońtústik Qazaqstan oblysy ákiminiń orynbasary Ulasbek Sádibekov, TÚRKSOI halyqaralyq uıymynyń Bas hatshysynyń orynbasary Fyrat Pýrtash, Eýrazııa jazýshylar odaǵynyń tóraǵasy ıAkýb Omerogly, Qazaqstan Jazýshylar odaǵynyń hatshysy, «Juldyz» jýrnalynyń bas redaktory, Memlekettik syılyqtyń ıegeri, aqyn Ulyqbek Esdáýlet jáne t.b. ádebıet jáne mádenıet qaıratkerleriniń qatysty.
