TÚRKSOI-dyń balalar teatryna arnalǵan jyrjınaǵy jaryq kórdi

ASTANA. QazAqparat - TÚRKSOI Halyqaralyq uıymynyń Bas hatshylyǵy teatraldy almanahtyń úshinshi basylymyn shyǵardy. Jyrjınaqta balalar teatryna arnalǵan pesalar toptastyrylǵan, olardyń avtorlary - túrki elderiniń dramatýrgteri, dep habarlaıdy QazAqparat atalmysh Uıymǵa silteme jasap.

TÚRKSOI elderiniń teatr ónerine qoldaý bildirý jónindegi is-sharalardyń biri bolyp tabylatyn jyrjınaq basylymynyń maqsaty - túrkitildes teatrlarynyń repertýaryn baıytý.

Kezekti almanahqa Qazaqstan, Ázerbaıjan, Qyrǵyzstan, Túrkııa, Gagaýzııa (Moldova), Hakasııa jáne Chývashııa (Reseı Federatsııasy) memleketteri dramatýrgteriniń balalar teatryna arnalǵan tanymal týyndylary enip otyr. Basylymdy daıyndaý týraly sheshim 2016 jyly Ázerbaıjannyń Shekı qalasynda ótken TÚRKSOI elderiniń Memlekettik teatr basshylary keńesiniń besinshi otyrysynda qabyldandy.