TÚRKSOI-da Ázerbaıjan halyq jazýshysynyń kitaby tanystyryldy

ASTANA. QazAqparat - TÚRKSOI Bas hatshylyǵynda Ázerbaıjan halyq jazýshysy Anar Rzaevtyń 80 jasqa tolýyna oraı, túrik tilinde shyqqan «Meniń zamandastarym» atty kitabynyń tusaýy kesildi, dep habarlaıdy QazAqparat.

Іs-sharada sóz sóılegen TÚRKSOI bas hatshysy  Dúısen Qaseıinov atap ótkendeı, TÚRKSOI túrkitildes halyqtardyń baýyrlastyq baılanystaryn nyǵaıtý jáne álemdegi túrki mádenıetin ilgerletý úshin jumys istep jatyr.

«Túrki respýblıkalarynyń qazirgi zamanǵy jazýshylary men aqyndary óz shyǵarmalarynda tarıh pen osy dáýirdi sheberlikpen beınelep, ortaq mádenı bolashaǵymyzdy qalyptastyrýda. Anar - túrki áleminiń tanymal jazýshysy. Onyń týyndylary túrki halyqtarynyń jáne basqa da kóptegen tilderge aýdarylǵan», - dep atap ótti Dúısen Qaseıinov

Sharaǵa Túrkııa Respýblıkasy prezıdentiniń bas keńesshisi ıAlchyn Topchý, Túrkııadaǵy Ázerbaıjan elshisi Hazar Ibragım, Ázerbaıjan jazýshylar odaǵy tóraǵasynyń orynbasary Chıngız Abdýllaev, jazýshy Elchın Hýseınbeılı, Pervın Nýralıeva, Osman Chevıksoı, «Meniń zamandastarym» kitabyn túrik tiline aýdarǵan jazýshy Imdat Avshar qatysty.

Ázerbaıjan jazýshylar odaǵynyń basshysy, halyq jazýshysy Anar (Anar Rzaev) Túrkitildes elder jazýshylar odaǵynyń alǵashqy tóraǵasy bolǵan. Jazýshynyń shyǵarmalary jelisi boıynsha 12 fılm túsirilgen.