TÚRKSOI: Bıyl - kúıshi, kompozıtor Nurǵısa Tilendıevti eske alý jyly
ASTANA. KAZINFORM – TÚRKSOI túrki mádenıeti uıymy 2025 jyldy Nurǵısa Tilendıevti eske alý jyly dep jarııalady. Bul týraly halyqaralyq uıymnyń bas hatshysy Sultan Raev málim etti.
- Bıyl TÚRKSOI uıymy Nurǵısa Tilendıevtiń shyǵarmashylyǵyna arnalǵan birqatar is-shara josparlap otyr. Naýryz aıynda kompozıtordyń 100 jyldyǵyn resmı ashyq dep jarııalaǵan bolatynbyz. Osy mereıtoı aıasyndaǵy mádenı sharalar Qazaqstanda ǵana emes, tutas túrki elderinde ótkiziledi. Arnaıy kontsertter men keshter, ǵylymı-praktıkalyq konferentsııalar uıymdastyrylady, - dedi Túrksoı basshysy Jibek joly telearnasyndaǵy «BÚGІN.LIVE» baǵdarlamasynda.
Eske salsaq, búgin belgili kúıshi, kompozıtor, «Otyrar sazy» akademııalyq folklorlyq-etnografııalyq halyq aspaptary orkestriniń negizin qalaýshy Nurǵısa Tilendıevke - 100 jyl.
Buǵan deıin habarlaǵanymyzdaı, qazaq kompozıtorynyń mereıtoıy el sheńberinde ǵana emes, ıÝNESKO, TÚRKSOI sııaqty halyqaralyq uıymdardyń deńgeıinde de atalyp ótedi.