TÚRKSOI 2010 jyldy «Ahmed Zakıevtiń jyly» dep jarııalady
/strong>Naýryzdyń 3-i. QazAqparat /Názıra Eleýhan/ - Tuńǵysh ret TÚRKSOI halyqaralyq uıymy qoǵam, mádenıet qaıratkerlerine, óner adamdaryna jyl arnaýdy dástúrge aınaldyratyn bolady.
TÚRKSOI bıylǵy jyldy Bashqurt halqynyń ataqty qoǵam qaıratkeri, sol memleketti alǵashqy qurýshylardyń biri «Ahmed Zakıevtiń jyly» dep jarııalady. Bul týraly búgin Almatyda arnaıy ótken baspasóz máslıhatynda TÚRKSOI halyqaralyq uıymynyń ókili Asqar Turǵanbaev málimdedi, dep habarlaıdy QazAqparat.
«TÚRKSOI basshysy Dúısen Qaseıinov jaqynda Bashqurtstan eliniń Prezıdentimen kezdesti. Ol el basshysyna TÚRKSOI-dyń altyn medalin tapsyryp, «Ahmed Zakıev jylynyń» ashylýyn jarııalady», dedi Asqar Turǵanbaev. Onyń aıtýynsha naýryz aıynyń ishinde Ankarada Túrkııa eli Prezıdentiniń qatysýymen osy jyldyń qurmetine oraı saltanatty ashylý rásimi ótedi.
Ol sonymen qatar, «Bul sharanyń alǵashqysy retinde naýryzdyń 10-y kúni Ulttyq kitaphanada Ahmed Zakıevtiń jalǵyz ulynyń qatysýymen dóńgelek ústel ótedi», dep habarlady. Oǵan Qazaqstannyń, Bashqurtstannyń, Túrik eliniń ǵalymdary shaqyrylady.
