Túrksib aýdanyndaǵy 20 myń úı ortalyq sý jáne káriz júıesine qosylmaǵan

ALMATY. QazAqparat- Túrksib aýdanyndaǵy basty problemalardyń biri -sýmen jabdyqtaý jáne káriz júıesi. Olar ortalyqtandyrylǵan júıege qosylmaǵan, dep habarlaıdy QazAqparat tilshisi.

Túrksib aýdanynda 25 myńnan astam jer úı bar. Olardyń 20 myńy ortalyq sý jáne káriz júıesine qosylmaǵan.

«Jas qanat» móltekaýdanyna keler bolsaq, onda 530 jer úı bar. Mundaǵy problema turǵyndardy ortalyqtandyrylǵan sý jáne káriz júıesimen qamtamasyz etý bolyp tur. Búginde barlyq úı ıeleri ózderi skvajına qazyp alǵan. Bul másele boıynsha qala ákimi bizge tapsyrma berdi. Qazir jobalaý-smetalyq qujaty daıyndalyp jatyr. Másele aldaǵy ýaqytta sheshiletin bolady»,- dedi ákimdikte ótken baspasóz máslıhatynda Túrksib aýdanynyń ákimi Pavel Kýlagın.