TúrkPA saılaýdy baqylaýshylar mıssııasy Qazaqstanǵa keldi

ASTANA. QazAqparat - Túrkitildes elder parlamenttik assambleıasynyń (TúrkPA) saılaýdy baqylaý mıssııasy Astana qalasyna keldi, dep habarlaıdy halyqaralyq uıymnyń baspasóz qyzmeti.

Mıssııa quramyna Ázerbaıjan Mıllı Májlısiniń depýtaty Nızamı Jafarov, Qyrǵyzstan Joǵorký Keńeshiniń depýtaty Ábilqaıyr Uzaqpaev, Túrkııa Uly ulttyq májilisiniń depýtaty, TúrkPA Quqyqtyq ister men halyqaralyq qatynastar komıssııasynyń tóraǵasy, Túrkııa-Qazaqstan parlamenttik dostyq tobynyń tóraǵasy Halúk Ipek jáne Túrkııa Uly ulttyq májilisiniń depýtaty Erkan Aıdyn endi.

TúrkPA delegatsııasynyń 18 naýryzda ótkizetin kezdesýleriniń ishinde Ortalyq saılaý komıssııasynyń tóraǵasy Q.Turǵanqulovpen jáne Parlament Senaty tóraǵasynyń orynbasary A.Beısenbaevpen júzdesýler, sondaı-aq, Nur Otan partııasynyń shtab-páterine bolý jáne basqa da saıası partııalar ókilderimen suhbattasýlar bar.