TúrkPA ókilderi Ázerbaıjandaǵy referendýmdy baqylaıdy
ASTANA. QazAqparat - Túrkitildes elderdiń Parlamenttik Assambleıasyna (TúrkPA) múshe parlamentterdiń depýtattarynan quralǵan halyqaralyq mıssııa 26 qyrkúıekte Ázerbaıjanda konstıtýtsııalyq ózgerister boıynsha ótetin jalpyhalyqtyq referendýmdy qysqa merzimdi baqylaý isine kiristi.
Quramyna Qyrǵyzstan men Túrkııa parlamentteriniń músheleri de kiretin topqa Qazaqstan Parlamenti Májilisiniń depýtaty Nurlan Dýlatbekov jetekshilik etedi.
Jumys kestesine saı, baqylaý mıssııasy Ázerbaıjannyń resmı tulǵalarymen, saıası jáne qoǵamdyq uıymdar ókilderimen kezdesip, Baký qalasynda ornalasqan birshama saılaý ýchaskelerindegi ázirlik barysymen tanysady jáne referendým kúni daýys berý úderisin baqylaıdy.
