TúrkPA men Halyqaralyq qazaq­-túrik ýnıversıteti túsinistik memorandýmyna qol qoıdy

BAKÝ. QazAqparat - Túrkistan qalasynda TúrkPA bas hatshysy Jandos Asanov pen Qoja Ahmet ıAsaýı atyndaǵy halyqaralyq qazaq­túrik ýnıversıtetiniń prezıdenti Ýálıhan Ábdibekov eki qurylym arasyndaǵy túsinistik memorandýmyna qol qoıdy. Atalǵan qujatqa saı, eki tarap túrki yntymaqtastyq qurylymdarynyń aldynda turǵan ortaq maqsat­-múddelerdiń dittegen mejeden shyǵýy úshin birlese árekettesýge kelisti.

Ýnıversıtettiń oqytýshylary men stýdentteri qaýymy aldynda sóılegen sózinde J.Asanov Qazaqstan Prezıdenti N.Nazarbaevtyń ınıtsıatıvasymen qurylǵan Túrkitildes elder parlamenttik assambleıasynyń jumysy jaıly keńinen áńgimeledi. TúrkPA­nyń sońǵy kezderi bilim, ǵylym jáne mádenıet salalarynda atqaryp jatqan sharýalary jaıly aıta kele, TúrkPA bas hatshysy túrkitildes elder arasyndaǵy aqparat aǵynyn ulǵaıtý úshin túrki tilderin biletin kásibı sheber aýdarmashylar daıyndaý qajettigin basa aıtty.

Osy kúni J.Asanov Túrkistandaǵy Qoja Ahmet ıAsaýı mazaryna zııarat etip, qalada jáne qala mańynda ornalasqan tarıhı eskertkishterdi aralady.