Túrikmenstannyń Anaý qalasy – túrki áleminiń mádenı astanasy
ANAÝ. KAZINFORM - QR Prezıdentiniń TRK ókilderi 2024 jylǵy túrki áleminiń mádenı astanasyn jarııalaý is-sharalaryna qatysty.
Búgin, 26 naýryzda Ashhabadta Túrikmenstannyń Anaý qalasynyń 2024 jylǵy túrki áleminiń mádenı astanasy bolyp jarııalanýyna baılanysty is-sharalar bastaldy. Ashylý saltanaty «Novrýz ıAılasy» alańyndaǵy kontsert zalynda ótti. QR Prezıdentiniń Teleradıokesheni qyzmetkerleri Anaý qalasynyń qurmetti mártebesin jarııalaýǵa arnalǵan is-sharalarǵa qatysty.
Túrikmenstannyń Anaý qalasyn 2024 jylǵy túrki áleminiń mádenı astanasy dep jarııalaý týraly sheshim TÚRKSOI uıymyna qatysýshy elder Mádenıet mınıstrleri Turaqty keńesiniń 39-shy otyrysynyń qorytyndysy boıynsha qabyldandy.
Esterińizge sala keteıik, túrki áleminiń mádenı astanasyn jyl saıynǵy saılaý týraly sheshim 2010 jyly túrkitildes memleketter basshylarynyń H sammıtinde qabyldanǵan bolatyn. Astana 2012 jyly tuńǵysh mádenı astana bolyp ataldy. Bul qurmetti mártebe jyldar boıy Eskishehır, Qazan, Mary, Shekı, Túrkistan, Kastamon, Osh, Hıýa, Býrsa, Shýsha qalalaryna berildi.
Sondaı-aq 28 naýryz kúni Ashhabadta túrkimen aqyny Maqtymquly Fragıdiń týǵanyna 300 jyl tolýyna arnalǵan «Túrikmen jeri – kóne mádenıetter ortalyǵy» atty halyqaralyq baspasóz konferentsııasy josparlanǵan.
