Túrikmenstanǵa TúrkPA quramyna kirý usynyldy
ASTANA. KAZINFORM – Túrkııa Túrikmenstandy Túrki memleketteriniń Parlamenttik Assambleıasyna múshelikke shaqyrdy.
TúrkPA qataryna qosylý usynysy Túrikmenstan parlamenttik delegatsııasynyń Ankaraǵa sapary barysynda aıtyldy, ony Medjlıs tóraıymy Dýnıagozel Gýlmanova basqardy.
Taraptar parlamentaralyq yntymaqtastyq memleketaralyq yntymaqtastyqty odan ári nyǵaıtýǵa septigin tıgizetinine, al ekijaqty negizde qurylǵan parlamenttik dostyq toptary zań shyǵarý qyzmeti salasynda tájirıbe almasýǵa jáne parlamenttik dıplomatııany damytýǵa yqpal etetinine senim bildirdi.
TúrkPA – quramyna Qazaqstan, Túrkııa, Ázerbaıjan jáne Qyrǵyzstan kiretin halyqaralyq uıym.
Buǵan deıin Ázerbaıjan astanasynda Túrki memleketteri Parlamenttik Assambleıasynyń 13-shi jalpy otyrysy men Assambleıa keńesiniń otyrysy ótkeni habarlanǵan bolatyn.
Іs-sharalarǵa Parlament Májilisiniń tóraǵasy Erlan Qoshanov bastaǵan delegatsııa qatysty.
Eske salsaq Qazaqstan men Túrikmenstan arasynda taýar aınalymy 1 mlrd dollarǵa deıin artatyny týraly jazǵan edik.