Túrikmenstanda kóktem merekesi Naýryz toılanyp jatyr
ASTANA. KAZINFORM — Túrikmenstanda kópten kútken kóktem merekesi – Naýryzǵa arnalǵan saltanatty sharalar men halyqtyq serýender bastaldy, dep habarlaıdy Kazinform agenttiginiń menshikti tilshisi.
Naýryz dástúrlerin beıneleıtin teatrlandyrylǵan qoıylym Ahal ýálaıatynda, ashyq aspan astynda ornalasqan «Nowruz yaylasy» (Naýryz alańy) aýmaǵynda ótip jatyr. Munda túrikmen halqynyń dástúrli turmysy men eginshilik pen mal sharýashylyǵyna qatysty eńbek úderisteri keń aýqymdy kórmeler arqyly qaıta jańǵyrtylǵan.
Saltanatty bólim merekelik kontsertpen ashylyp, ulttyq «Galkanysh» atty oıyndar tobynyń kórsetilimdik ónerimen jalǵasty.
Sonymen qatar, qonaqtarǵa halyqtyq dástúrler, ulttyq oıyndar, kilem toqý óneri men túrikmen qolónershileriniń týyndylary kórsetildi. Merekelik dastarhanǵa kelgen barlyq qonaqqa Naýryzdyń basty taǵamdary – bıdaı botqasy (naýryz kodje), ıarma, chorba, sondaı-aq pishme men basqa da kóktemgi taǵamdar usynyldy.
Aıta ketelik Túrkistanǵa «Jibek joly» halyqaralyq poıyz baǵytymen 300 týrıst keldi.