Túrikmenstan ıadrolyq qarýǵa tyıym salý týraly kelisimge qosylýdy qarastyrady

ASTANA. KAZINFORM — Túrikmenstan 2017 jylǵy ıAdrolyq qarýǵa tyıym salý týraly shartqa qosylý múmkindigin zerdelep jatyr.

Bul týraly úkimet otyrysynda Syrtqy ister mınıstri Rashıd Meredov málimdedi, dep habarlaıdy TDH.

Qaýipsizdik salasynda halyqaralyq uıymdarmen áriptestikti nyǵaıtý boıynsha birqatar usynys Túrikmenstan prezıdenti Serdar Berdimuhamedovtiń qaraýyna usynyldy. Atap aıtqanda, 2021 jyly kúshine engen ıAdrolyq qarýǵa tyıym salý týraly shartqa qosylý máselesin zerdeleý jumystaryn júrgizý usynylyp otyr. Qujatqa qazirdiń ózinde 94 memleket qosylǵan.

R. Meredov Túrikmenstannyń qaýipsizdikti qamtamasyz etý jónindegi halyqaralyq bastamalardy dáıekti túrde qoldaıtynyn atap ótti. El 1994 jyly ıAdrolyq qarýdy taratpaý týraly shartqa, 1998 jyly ıAdrolyq synaqtarǵa jappaı tyıym salý týraly shartqa, 2006 jyly Ortalyq Azııadaǵy ıadrolyq qarýdan azat aımaq týraly shartqa qosyldy.

Sondaı-aq 2026 jyly Túrikmenstanda Ortalyq Azııa jáne Kavkaz elderiniń úılestirýshileriniń qatysýymen ıAdrolyq synaqtarǵa jappaı tyıym salý týraly shart uıymynyń Ulttyq aqparattyq ortalyqtary úshin aımaqtyq semınar ótkizý máselesi qarastyrylýda.

Sonymen qatar Túrikmenstanda ornalasqan ıAdrolyq synaqtarǵa jappaı tyıym salý týraly sharttyń Halyqaralyq monıtorıng júıesiniń seısmologııalyq stantsııasynyń jumysyn jetildirý jáne Atom energııasy jónindegi halyqaralyq agenttikpen (MAGATE) yntymaqtastyqty nyǵaıtý máseleleri talqylandy.

Eske sala keteıik, Qazaqstan men Túrikmenstan uıymdasqan qylmysqa qarsy kúrestegi yntymaqtastyqty kúsheıtetini jaıly jazǵan edik.