Túrikmenstan ShYU elderin Aýǵanstanǵa gaz tartý jobasyna atsalysýǵa úndedi

ASTANA. KAZINFORM – «ShYU+» kezdesýinde sóz sóılegen Túrikmenstan Halk Maslahatynyń tóraǵasy Gýrbangýly Berdimuhamedov uıym múshelerin Aýǵanstandaǵy ınfraqurylym jobalaryna atsalysýǵa úndedi.

«ShYU-nyń múddeli elderine Aýǵanstan aýmaǵyndaǵy energetıkalyq jáne kommýnıkatsııalyq jobalarǵa qatysýdyń sharttaryn qarastyrýdy usynamyz. Áńgime «Túrikmenstan – Aýǵanstan – Pákistan – Úndistan» gaz qubyry men «Túrikmenstan – Aýǵanstan – Pákistan» elektr jelisi men talshyqty baılanys jelisin tartý týraly bolyp otyr», - dedi Gýrbangýly Berdimuhamedov.

Onyń sózinshe, atalǵan jobalar Aýǵanstanǵa ekonomıkasyn tezirek tiktep, aımaqtaǵy damý úderisterine kirigýine septigin tıgizedi.