Túrikmenstan prezıdenti Qadir túni qurmetine 321 sottalýshyǵa raqymshylyq jasady

ASTANA. KAZINFORM — Juma, 21 naýryzda Túrikmenstan prezıdenti Serdar Berdimuhamedov mınıstrler kabınetiniń tsıfrlyq formattaǵy kezekti otyrysyn ótkizip, onda memleket ómiriniń ózekti máseleleri qaraldy, dep habarlaıdy Turkmenportal.

Otyrys barysynda Memlekettik Qaýipsizdik Keńesiniń hatshysy, Túrikmenstan prezıdenti janyndaǵy Azamattyq jáne raqymshylyq jasaý máseleleri boıynsha usynystardy daıyndaý jónindegi komıssııanyń tóraǵasy B.Gýndogdyev qasıetti Qadir túni (Gadyr Gıdjesı) merekesine oraı sottalǵandarǵa raqymshylyq jasaý jónindegi komıssııa jumysynyń qorytyndylary týraly baıandama jasady.

Baıandamany tyńdaǵan prezıdent Serdar Berdimuhamedov meıirimdilik dástúrin saqtaı otyryp, bas bostandyǵynan aıyrý oryndarynda jazasyn ótep jatqan eldiń 321 azamatyna raqymshylyq jasaý týraly jarlyqqa qol qoıdy.

Memleket basshysy Komıssııa tóraǵasyna quqyq qorǵaý organdarynyń basshylarymen birlesip, raqymshylyq jasalǵan adamdardy ýaqytyly bosatýdy jáne olardyń otbasylaryna qaıtarylýyn uıymdastyrýdy tapsyrdy.

Eske sala keteıik, Ashhabadta naýryz aıynyń ortasynda rekordtyq temperatýra tirkeldi.