Túrikmenstan Prezıdenti Aqaba protsesi sammıti úshin Astanaǵa keldi
ASTANA. KAZINFORM — Túrikmenstan Prezıdenti Serdar Berdimuhamedov Aqaba protsesi sammıtine qatysý úshin Qazaqstannyń elordasyna keldi.
Erteń 6 qarashada Astanada Aqaba protsesi sammıti ótedi.
Mundaı formattaǵy kezdesýge Ortalyq Azııa alǵash ret uıymdastyrýshylardyń biri retinde qatysyp otyr.
Aqaba protsesi — 2015 jyly Iordanııa koroli ІІ Abdalla bastamashy bolǵan halyqaralyq bastama.
Onyń basty maqsaty — terrorızmge, ekstremızmge jáne transulttyq qylmysqa qarsy kúreste memleketter arasyndaǵy yntymaqtastyqty nyǵaıtý.
Buǵan deıin Prezıdent Qasym-Jomart Toqaev Aqaba protsesin joǵary baǵalaıtynyn jáne aldaǵy sessııanyń jasandy ıntellekt salasyndaǵy qaýipsizdik taqyrybyna arnalatynyn habarlaǵan edi.
Óz kezeginde Iordanııa Koroli ІІ Abdalla ben ál-Hýseın óńirlik qaýipsizdikti qamtamasyz etý, sondaı-aq terrorızm men ekstremızmge qarsy kúres isinde Qazaqstanmen yqpaldastyqty keńeıtýge múddeli ekenin rastady.
