Túrikmenstan men Qazaqstan Ortalyq Azııadaǵy strategııalyq seriktester - Berdimuhamedov
ASTANA. KAZINFORM – Túrikmenstan men Qazaqstan Ortalyq Azııadaǵy strategııalyq seriktes elder sanalady. Bul týraly Aqordada Memleket basshysy Qasym-Jomart Toqaevpen keńeıtilgen quramdaǵy kelissóz barysynda Túrikmenstan Prezıdenti Serdar Berdimuhamedovpen aıtty.
- Eń aldymen Túrikmenstan delegatsııasy atynan jyly qabyldap, qonaqjaılyq tanytqany jáne Astana qalasynda tıimdi jumys isteýimiz úshin tamasha jaǵdaı jasaǵany úshin Qazaqstan Prezıdenti qurmetti Qasym-Jomart Kemeluly Toqaev myrzaǵa zor rıshashylymdy bildirýge ruqsat etińizder. Túrikmenstan men Qazaqstan Respýblıkasy – Ortalyq Azııadaǵy strategııalyq seriktester. Memleketterimizdi tarıhtyń ortaq tamyrlary, rýhanı jaqyndyq, mádenı qundylyqtar, sondaı-aq urpaqtan urpaqqa saqtalyp, jalǵasyp kele jatqan dástúrler men ádet-ǵuryptar biriktiredi, - dedi Serdar Berdimuhamedov.
Onyń aıtýynsha, eki eldiń arasyndaǵy ekijaqty qatynastar 2017 jyldyń 18 sáýirindegi Strategııalyq seriktestik týraly kelisimge jáne 2024 jyldyń 10 qazanyndaǵy Dostyq pen kópqyrly strategııalyq seriktestikti nyǵaıtý týraly deklaratsııaǵa negizdeledi.
- Dıplomatııalyq saladaǵy saıasatta Túrikmenstan men Qazaqstan beıbitshilik pen qaýipsizdikti qamtamasyz etýde, energetıkalyq turaqtylyqty nyǵaıtýda, kólik baılanysyn damytýda, turaqty damý maqsattaryna qol jetkizýde jáne klımattyń ózgerýine qarsy kúreste jaqahandyq kún tártiptiń ózekti máseleleri boıynsha syndarlyq ózara is-qımyldy jolǵa qoıǵan, - dedi Túrikmenstan Prezıdenti.
Buǵan deıin Memleket basshysy Qasym-Jomart Toqaev Túrikmenstan Prezıdentin Aqordada qarsy alǵanyn jazǵan edik.
Keńeıtilgen quramdaǵy kelisóz barysynda Memleket basshysy Qasym-Jomart Toqaev Túrikmenstan Prezıdentin «Altyn qyran» ordenimen marapattaıtynyn aıtty.