Túrikmenstan áıelderine Halyqaralyq áıelder kúnine oraı aqshalaı syılyqtar tabystalady
ASTANA. KAZINFORM – Túrikmenstan prezıdenti Serdar Berdimuhamedov Halyqaralyq áıelder kúnine oraı eldegi áıelderge 60 manat (resmı baǵam boıynsha shamamen 17 AQSh dollary) kólemindegi aqshalaı syılyqtar tabystaýdy buıyrdy.
Bılik áıelderdiń eldiń órkendeýi úshin reformalardy júzege asyrýdaǵy jáne Otanǵa adal deni saý urpaq tárbıeleýdegi eleýli úlesin atap ótti, dep habarlady Túrikmenstannyń TDH memlekettik aqparat agenttigi.
Qolma-qol aqshalaı tólemder 2026 jyldyń 2-6 naýryzy aralyǵynda saltanatty túrde tabystalady.
Osylaısha, 8 naýryzǵa oraı aqshalaı syılyqtardy kelesiler alady:
* menshik túrine qaramastan kásiporyndarda, mekemelerde jáne uıymdarda jumys isteıtin áıelder men boıjetkender;
* zeınetkerler jáne memlekettik járdemaqy alýshylar;
• óndiristen qol úzgen aspırant, doktorant jáne klınıkalyq ordınator áıelder;
• Túrikmenstan Prezıdenti janyndaǵy Memlekettik basqarý akademııasynda keminde eki jyl boıy kýrs alyp júrgen stýdent boıjetkender;
• stýdent boıjetkender, mektepterdiń oqýshy qyzdary jáne mektepaldy jastaǵy qyz balalar.
• Túrikmenstandyq áıelder 8 naýryz merekesine oraı jetinshi jyl qatarynan 60 manattan alyp otyr.
Kazinform úshin arnaıy TDH seriktes agenttigi usynǵan.
Osyǵan deıin Malaızııa ómir súrý qunynyń ósýine baılanysty halyqqa aqsha taratatynyn jazǵan bolatynbyz.
