Túrkııanyń Jızra qalasynda polıtsııa ǵımaratyn jaryp jiberdi
ASTANA. QazAqparat - Túrkııanyń ońtústik-shyǵysynda ornalasqan Jızra qalasyndaǵy polıtsııa basqarmasynyń ǵımaraty joıqyn jarylystan tolyq qırady, dep habarlaıdy NTV arnasy.
Osyǵan deıin túrkııalyq BAQ jergilikti ýaqytpen tańǵy 7-de polıtsııa ǵımaratynan 50 metr jerdegi jol baqylaý-ótkizý beketinde jarylystyń bolǵanyn, jaralylar bar ekenin habarlaǵan edi. Oqıǵa ornynda jedel járdem kóligi jumys isteýde.
Rastalǵan aqparatqa súıensek, mına qoıylǵan kólik jarylǵanda polıtsııa ǵımaraty janynda bolǵan 25 adam túrli jaraqat alyp, bir polıtseı kóz jumǵan.
Bılik teraktti Túrkııada tyıym salynǵan Kúrdistan Jumysshylar partııasy uıymdastyrdy dep aıyptap otyr. Aldyn ala málimetter boıynsha, baqylaý-ótkizý beketine mına qoıylǵan avtokólik basa-kóktep kirgen, dep habarlaıdy RIA Novostı.
Kýágerlerdiń aıtýynsha, qazir terakt ornyna jaqyn ornalasqan qarý qoımasynan jarylys daýystary estilýde.
