Túrkııanyń jer silkinisi bolǵan aımaǵynda 181 nysan qaıta salynady

ANKARA. ANADOLU-QazAqparat – Túrkııanyń soltústik-batysyndaǵy Dıýzdje provıntsııasynda turǵyn úı qoryna júrgizilgen monıtorıng barysynda 5,9 baldyq jer silkinisinen qatty zaqymdanǵan 181 ǵımarat anyqtaldy. Bul týraly Túrkııanyń Qorshaǵan orta, qalaqurylysy jáne klımattyń ózgerýi mınıstri Mýrat Kýrým málimdedi, dep habarlaıdy QazAqparat Anadolu agenttigine silteme jasap.

Jer silkinisi bolǵan aımaqtaǵy 13 185 ǵımaratty qarap shyǵýǵa mınıstrliktiń 300 qyzmetkeri jumyldyrylǵan.

«Barlyq qıraǵan nysan shuǵyl túrde buzylyp, ornyna jańa, qaýipsiz jáne jer silkinisine tózimdileri salynady. Apat aımaǵynyń turǵyndary qysqa merzimde jańa páterlerge ıe bolady», - dedi mınıstr.

Buǵan deıin habarlaǵanymyzdaı, Túrkııada 23 qarashada jergilikti ýaqyt boıynsha saǵat 4:08-de Rıhter shkalasy boıynsha 5,9 baldyq jer silkinisi boldy. Jer silkinisinen zardap shekkender sany 93 adamǵa jetti.