Túrkııanyń jaǵalaý kúzeti Egeı teńizinde 174 mıgrantty qutqardy

ANKARA. Anadoly-QazAqparat – 3 qyrkúıekte Túrkııa jaǵalaý kúzetiniń kúshteri Grekııanyń jaǵalaý kúzeti Egeı teńizindegi túrik terrıtorııalyq sýlaryna yǵystyrǵan 174 pana izdeýshini qutqardy, dep habarlaıdy QazAqparat Anadoly agenttigine silteme jasap.

Balyqesir provıntsııasynyń soltústik-batysyndaǵy Aıvalyq qalasynyń jaǵalaýynda teńizge rezeńke qaıyqpen shyqqan keminde 28 zańsyz mıgrant qutqaryldy. Olar Kýnda aralyndaǵy jaǵalaý kúzetiniń komandalyq pýnktine jetkizildi.

Sonymen qatar, Túrkııanyń jaǵalaý kúzeti Aıdyn provıntsııasynyń Kýshadasy aýdanyna qaıyqtar jiberdi, onda 83 pana izdeýshi eki qaıyqpen teńizde turyp qaldy degen aqparat túsken. Qutqarylǵan bosqyndar jergilikti kóshi-qon qyzmeti bólimshesine jetkizildi.

Túrkııanyń jaǵalaý kúzeti sonymen qatar Izmır provıntsııasynyń Fok aımaǵynda tórt pana izdeýshini jáne 59 adamdy qutqardy. Josparly tekserýlerden keıin olar provıntsııanyń kóshi-qon organyna jetkizildi.