Túrkııanyń vıtse-prezıdenti Túrkistan qalasyna jumys saparymen bardy
Túrkııa Respýblıkasynyń vıtse-prezıdenti Fýat Oktaı Túrkistan qalasyna jumys saparymen keldi. Delegatsııa Q. A. ıAsaýı atyndaǵy Halyqaralyq qazaq-túrik ýnıversıtetiniń ujymymen kezdesý ótkizdi.
Jıynǵa Túrkistan oblysynyń ákimi Ómirzaq Shókeev, Q.A.ıAsaýı atyndaǵy HQTÝ Ókiletti keńesiniń tóraǵasy, professor Mýhıttın Shımshek, ýnıversıtet rektory Janar Temirbekova jáne oqytýshy-professor quramy men stýdentter qatysty.
Túrkııa Respýblıkasynyń vıtse-prezıdenti Fýat Oktaı Qazaqstan Respýblıkasyna resmı sapary aıasynda Memleket basshysy Qasym-Jomart Toqaev jáne Premer-mınıstr Álıhan Smaıylovpen kezdeskenin baıandady. Ekijaqty kezdesýlerdiń baýyrlas elderdiń yntymaqtastyǵyn jańa deńgeıge kóteretinin atap ótti. Ál-Farabı, Júsip Balasaǵun, Qoja Ahmet ıAsaýı syndy ǵulamalar murasynyń ózektiligin tilge tıek etip, Abaı Qunanbaıulynyń ǵylymǵa úndegen týyndysynan úzindi oqydy.
Kontserttik baǵdarlamadan keıin Fýat Oktaı qonaq ýnıversıtet aýmaǵynyń maketimen tanysyp, «Tóraǵalar alleıasyna» aǵash otyrǵyzdy. Sonymen birge Túrkistan qalasyndaǵy birqatar mádenıet jáne rýhanııat nysandaryn aralap, Túrkistandaǵy ózgeristerdi joǵary baǵalady.
Oqý ornynyń Ókiletti keńes tóraǵasy, professor Mýhıttın Shımshek qadirmendi qonaqty ýnıversıtet qabyrǵasynda meıman etý – oqý orny úshin úlken mártebe ekendigin atap ótti. Oqý ordasynda júzege asyp jatqan irgeli jumystardy baıandady.
Ýnıversıtet rektory Janar Temirbekova jáne rektor ókili Jengız Tomar sóz sóılep, Fýat Oktaıǵa bilim men ǵylymnyń damýyna qosqan úlesi úshin «Qurmetti professor» akademııalyq ataǵy berilgenin atap ótip, mantııasyn kıgizip, qujatyn tabystady.
