Túrkııanyń vıtse-premeri: Ystambuldyq lańkes-jankeshti sırııalyq bolǵan
ASTANA. QazAqparat - Ystambuldyń ortalyǵynda bolǵan jarylys saldarynan 10 adam qaza tapty, dep habarlady TASS. Ystambulda jarylǵysh zatyn iske qosqan adam 1988 jyly týǵan sırııalyq bolyp shyqty.
Bul týraly jergilikti jýrnalısterge Túrkııanyń vıtse-premeri Nýman Kýrtýlmýsh habarlady.
"Ókinishke qaraı, jarylys saldarynan on adam qaza tapty. Olardyń kóbi - sheteldik. Oqıǵa ornynan jarylǵysh zatyn iske qosqan lańkestiń máıiti tabyldy. Onyń 1988 jyly týǵan sırııalyq ekendigi anyqtaldy", - dedi ol. Jarylys tańerteń Sultanahmet ortalyq alańynda Dıkılıtash stellasyna jaqyn jerdegi tramvaı aıaldamasynyń mańynda boldy. Saldarynan 10 adam qaza tapty, 15 adam jaraqattandy.
Foto:© EPA/TOLGA BOZOGLU
