Túrkııanyń tanymal ánshisi Býraı Astanaǵa keldi

ASTANA. QazAqparat - Qazaqstandyqtarǵa «Qulpynaıdyń ıisi» serııalyndaǵy «Istersen» ánimen tanymal Túrkııanyń eń ataqty ánshileriniń biri Býraı «Instagram» paraqshasynda Astanaǵa ushyp kele jatqan ushaqtaǵy fotosýretin jarııa etti, dep habarlaıdy «QazAqparat» HAA tilshisi.

33 jastaǵy túrik ánshisi byltyrǵy jyldyń jeltoqsan aıynda da Qazaqstanǵa kelip qaıtqan bolatyn. Býraı «Qulpynaıdyń ıisi» serııalyndaǵy saýndtrekpen kópshilikke tanymal. Ánshiniń baǵyn ashqan da osy«Istersen» áni desedi. Ótken jyly Býraı «Jyl tańdaýy - 2016» gala kontsertine kelip, Qaırat Nurtas pen Tóreǵalı Tóreálimen birge án shyrqaǵan bolatyn. Qazaqstanda bergen suhbatynda «Meniń oıymsha, «Istersen» ánin ózgelerden góri qazaqstandyqtar eń kóp tyńdaıtyn sekildi» degen bolatyn.

Túrik ánshisi sonymen qatar, qazaqstandyqtarǵa «Karatoprak», «Bir Omurlugum», «Kimsenin Sucu Yok», «Sonsuz Kilalim» ánderimen de belgili. Býraı Túrkııanyń ózge de tanymal juldyzdarymen Túrkııanyń ulttyq kúnine oraı elordaǵa kelip otyr.